Fundasaun Fundo Media halao treinamentu iha UMa Media Ermera

Fundasaun Fundo Media halao treinamentu iha UMa Media Ermera

Fundasaun Fundo Media Quarta feira (23/05/2012) halao treinamentu ba Jornalista sira iha Uma Media Regional Ermera, hodi halao preparasaun ba Eleisaun Parlamentar nebe sei halao iha dia 7 de Julho 2012 oin mai.

Treinador nebe halao treinamentu ne'e mak hanesan Diretora FFM, Suzana Cardoso ,Presidente ARKTL Prezado  Ximenes, no Presidente Board FFM Gil Guteres,

Iha treinamentu ne’e, Virgilio Silva Guteres hateten katak Jornalista hotu presija halo kobertura ba Eleisaun Jeral nebe atu mai, tamba ne’e presija Jornalista hotu tenki halo prepara an, no sai imparsial iha kobertura ba aktividades Kampanha hotu, atu nune partido hotu bele senti katak Media ne’e Independenti

Presidente Board ne’e mos hateten katak sai Jornalsita mos laos hanesan Wartawan Undangan ka Wartawan Amplop, maibe aktividade iha nebe Jornalista mos tenki iha neba, nia hatutan Jornalista mos tenki iha kuinesementu ba Lei, hanesan Lei Interna CNE, Lei interna STAE, Tribunal Recurso no Konstituisaun RDTL,

Iha sorin seluk Prezado Ximenes Presidente ARKTL hateten katak Media nia papel Importante tebes, tamba ne’e  Media sira tenki fasilita komunidade hotu iha areia informasaun, liu – liu tama ba eleisaun jeral presija habelar informasaun kona ba edukasaun votente no media mos tenki aktiva iha kolaker Actividade nebe relasiona ho Eleisaun.

Suzana Cardoso diretora FFM, hateten katak klia kona ba eleisaun molok atu tama ba Kampanha, Jornalista hotu tenki iha ona horario Kampnaha ba Partidus Politiku hotu, atu nune bele Justu ba halo kobertura ba Partidus hotu, Tamba ne’e Jornalista sira presija update kalendario kampanha ou hakbeseik ba lideransa Partidus sira atu husu sira nia Horario. 

Jornalista nebe treinamentu ne’e, Korespondente RTTL, Lian foin Sae, Radio Komunidade, Jornals Parede, no Tempo Semanal.

Programa ne’e realisa tamba hetan apoiu husi Aus-AID no implementa husi FFM, no depois de remata Treinamentu Fundasaun Fundo Media mos sei halao treinu hanesan iha Uma media Baucau, Maubisse, Suai, no Oequsse. (UMR Ermera)