STAE no CNE Distribui material Sensitivus ba Sentru Votasaun

STAE no CNE Distribui material Sensitivus ba Sentru Votasaun

Gleno - Sesta feira 6 / 7 / 2012 STAE no CNE organisa hodi halao distribuisaun material sensitivus ba sentru votasaun iha distrito Ermera, hodi prepara ba eleisaun Parlamentar (ELPAR) nebe sei halao iha Sabado dia 7 / 7/2012

Napoliao Vieira Soares Cordenador CNE Distrito Ermera hateten katak material sensitivus sira ne’e to iha sentru votasaun hotu iha loron ohin, nebe akompanha husi PNTL , UNPOL no Brigadista sira, nia hateten katak Material sensitivus sira ne’e sei distribui ba sentru votasaun 63 no Stasaun de Votu hamutuk 88, Napoliao Haktuir

Iha sorin seluk tuir debates nebe UMR/ Radio café halo iha loron hirak liu ba Komandante PNTL Distrito Ermera hateten katak, PNTL distritu Ermera sei koloka membru 2 iha kada sentru votasaun, no fatin nebe risku sei hetan mos apoiu husi UNPOL, tamba numero PNTL distrito Ermera nebe atu fo apoiu ba Eleisaun hamutuk 129, no apoiu mos membrus 24 husi Quartel geral, inklui Polisia ESPESIAL pronto 24 horas atu atende aktus  ruma nebe sei mosu iha loron eleisaun iha teritori Timor laran tomak.

Nune mos Cordenador STAE Distrito Ermera, Romenia Pereira hateten katak STAE mos pronto ona atu realisa Eleisaun nebe sei halao iha dia 7 de julho, tamba preparado ona, tamba ne’e iha Material Sensitivus sira inklui Buletin de Votus sei distribui hotu ba  Sentru votasaun hotu iha distrito Ermera, no hare ba Eleisaun Presidensial no parlamentar iha difernecia oitoan, hanesan Eleisaun Presidensial, total Eleitores 64.246, maibe ho actualisasaun base de dadus nebe foin halo numero elitores sae ba 65.426, Pereira haktuir

to notisia ne’e hatun STAE, CNE, PNTL no Brigadista sira halo kolokasaun hela material no bulletin de votus sira iha Administrasaun Gleno ba sentru votasaun hotu, UMR Ermera