Hau Nia Vocasaun Mak Presente Ida Husi Maromak

Redasaun ne'e Jornalista Uma Media simu husi Irman. Domingas Soares D.HC  Via email iha loron 12/11/2012, hodi haktuir esperencia oinsa moris iha Vida Religioja

Realmente…atu conta experiencia vocaçao neé naruk tebes precisa página barak. Antes atu fahe experiencia furak neé uluk liu hau agradece ba Ajay Husi Uma Media Regional Ermera nebé mak ho idea ida nebé hakarak atu ami bele compartilha experiencia atu nuneé ema seluk mos bele leé e comprende saida mak moris nudar vida religiosa.

Hau moris iha Suku goulolo Sub-Distrito Letefoho, Distrito Ermera, pai naran Paulo de Deus e Mae Madalena Soares Babo, ami maun alin nain tolu, alin nain rua, Ojorio de Deus kaben ona, Leoneto sei klosan. Proceso de estudio: SD iha Goulolo,  SMP iha Letefoho.

Durante iha SMP, hau senti ona Nai Maromak nia bolu/chamada, maibe la fo conta. Momento neé hetan amigo ida nebé mak hadomi tebes, maibe ikus mai hosik tamba domin Maromak nian forte liu ema nian. . . Depois remata SMP, hau continua SMA iha Dili.. Hotu SMA halimar tinan ida iha uma, iha momento nebá  hau senti Maromak nia bolu forti liu e hau labele rekusa/tolak. Iha día 27 de Desembro 1993 depois de misa hau fo hatene ba amo Du,” amo hau hakarak tama convento. Amo Du nia resposta ” Mica nakarten hanesan Ó neé sai madre ka”. Laiha tan lia fuan atu responde. Iha lorokraik ida derepenti Amo Du haruka colega hosi Dili ba Letefoho, fo hatene atu ba tuir retiro iha convento irmas Carmelitas sira, hau ba tuir tiha retiro, hafoin irma sira fo decisaun katak hein tinan ida tan mak bele tama. Hau fila ba Letefoho halao serviso normal.  Experiencia furak nebé mak hau experimenta, wainhira Iha fulan Maio, acompanha Nain Feto visita ba aldeia hot-hotu. Hau nia intensao iha momento nebá iha buat rua deit: primero,  husu ita Nai Feto ajuda hau atu foti decisao lolos e segundo, se Jesús bolu duni hau entao la bele hein toó tinan seluk. Hafoin tuir mai, iha lorokraik ida amo Du ho kareta ba toó iha Talala, bolu tiha hau fohatene,” Mica prepara  ita rua ba Dili, tamba irma sira haruka Ó tun aban dader hasoru sira”. Kalan neé kedas amo Du ami rua tun Dili, hafoin dader hau ba hasoru  irma sira iha Motael. Wainhira irma atende hau, lia fun primero mak nia husu contenti kalae? Hau hatan sim, i depois irma fo hatene,” congregasao simu Ó atu tama convento, fila ba fo hatene familia sira hafoin prepara sasan día 20 de Julho tama convento”. Wah contenti e agradeçe tamba Maromak bolu  duni hau. Iha día 20 de Julho lorokraik amo Du ho familia sira lori hau ba tama convento Fatuhada Iha momento neé, mai hau buat hotu foun, hahu hosi irma sira toó colega sira, maibe hahu coinheçe sira ida-idak. Momento neé  hahu ho formaçao tinan lima. Aspirante tinan ida iha Fatuhada, Postulante tinan rua e Novicia tinan rua hamutuk tinan hat iha Malang. Tinan 1998 toó 1999 hau servico iha Bobonaro. Tinan 2000 toó 2002 escola iha ICR Lahane. Tinan 2002 Congregasao husu atu mai España, momento neé senti todan maibe ho Maromak nia ajuda hau foti decisao para mai España. Tinan 2002 sai hosi Timor ba Portugal, tinan 2003 hosi Portugal muda ba España. Iha España primera ano, servico ajuda irma ferik sira. Iha tinan 2004 Congregasao simu hodi halo Votus Perpetua. Iha 2006 Congregasao haruka hau escola maibe momento neé la hanoin atu remata estudo, hanoin hanesan formaçao ida, tamba foti asignatura nebé mak hau gosta, significa foti matakuliah la tuir semester. Ikus mai Congregasao husu atu halo hotu estudo,  entao hau halo esforço hodi estuda ho serio, ikus mai halo hotu duni estudo iha 2012, agradece tamba hetan apoio hosi irmas sira, familia e amigos sira mak ohin loron hau halo hotu estuda. Agora hahu servisio iha colegio e ajuda catequese iha Parroquia.

Durante tinan hirak nia laran moris nudar vida consagrada iha Congregasao Carmelitas hau senti feliz ho hau nia vocasao. Dala barak hasoru dificuldades oi-oin, maibe la lao mesak tamba fiar e sadere ba  Jesus nebé mak bolu hau atu continua Nia misao. Hetan nafatin apoio hosi  congregasao, familias, e amigos sira atu iha loron ba loron hau fiel e hadomi nafatin hau nia vocasao. Hateke nafatin ba Jesús nebé mak fihir no hili ona hau atu sai nia esposa e amiga iha dalan santidade nian.

Diak ida neé mak hanesan experiencia ida nebé hakarak fahe ba belum sira liu hosi meio de comunicaçao ida neé. Se karik iha jovem balu senti Maromak nia bolu keta tauk atu responde. Hanesan lian mambae dehan  “loco por ALGUIEN que no te puede ver, no te puede tocar, no te puede besar, no te puede abrazar”  esto es el misterio de la vocación.

Fraternalmente…..Domin Soares D HC