L.A Lights realisa konseru iha Gleno Ermera

Gleno - L.A Lights kopera ho Governu no Centru Juventude Ermera realize Konsertu iha Distrito Ermera atu komemora 12 de Novembro tinan ida ne’e

Carlos Salsinha, Manajer Centru Juventude Ermera hateten katak programa konsertu Street Soccer ne’e realize tamba koperasaun no suporta husi Kompanhia L.A Lights

Salsinha esplika liu tan katak atu hanoin hikas ba loron histotiku 12 Novembro maka realisa konsertu ne’e no prense mos ho aktividade kiik balun nebe sei hatudu husi Juventude Ermera no aktividades ne rasik hetan orsamentu direta husi L.A Lights ba actividade hanesan  (Street Soccer no  Konserto)

Iha parte seluk representante L.A  Lights, Grace hateten katak sira kontente tebes atu halao aktividade ne’e tamba LA iha ona Timor Leste kleur ona no sai ona Parseria ba Povu Timor Leste, tamba ne’e mak L.A iha hanoin ida katak konsertu sei halao iha kada Tinan, no tinan ida ne’e halao iha Distrito Lospalos, Baucau no Ermera

Grace mos esplika liu tan katak L.A sei realisa tan aktividade hanesan ne’e iha future, nebe sei kopera ho Governu no entidade sira hotu. Tamba eventu ne’e realisa iha Ermera hanesan bad ala ikus no sei halao durante loron rua hahu iha dia 11 – 12/11/2012, ho nune nia husu atu ema hotu nebe hatene eventu ne’e bele mai asisti direta iha kampo democrasia Gleno, Grace hateten.

Iha sorin seluk Segundo Komandante PNTL Distrito Ermera, Jony Viana hateten katak PNTL Distrito Ermera pronto ona fo seguransa ba eventu ne’e durante loron hirak mai ne’e, maibe husu atu Povu tomak fo apoiu no seguranca ba actividade ne’e durante actividade halao,

Viana esplika liu tan katak seguranca laos PNTL deit maibe sidadaun hotu, tamba ne’e nia husu atu hotu-hotu partisipa hodi fo apoiu ba eventu ne’e tamba atu komemora 12 de Novembro

Intervista ne’e halao direta Talk show iha Studio radio Komunidade Café Ermera iha loron 09/11/12 semana kotuk, oras tuku 21.00 nebe Modera husi Jaime Soares nudar Cordenador Uma Media Regional,

Programa Talk Show ne’e realisa tamba koperasaun Sentru Juventude, L.A Street Soccer, PNTL, Governu Lokal no Radio Komunidade Café Ermera,

Tuir obserbasaun Jornalista hatudu katak povu ermera antusiasmo tebes hodi asisti konsertu ne’e duran hahu iha tuku 20.00 to 24.00 OTL, nebe partisipa ema rihun ida resin (UMR Ermera)